‘A tazzulella e Cafè ‘per ridere e pensà

‘A fine d’Austo

Fresca è l’aria ca m’accarezza

‘o mare improvvisamente se ncrespato,

areto ‘a muntagna na nuvola accumpare,

o sole nu pocu scornuso areta a essa s’arrepara.

O piscatore aiza a rezza

Pecchè e primme segni ha addivinato,

Pure a varca into o’ puorto s’arrepara,

Primmo co maletiempo a trova nmienzo o mare.

Nu guaglione chino e contentezza

Inta l’onna se subbito tuffato

A schiuma janca e l’onne e chistu mare

o cummoglia o rravoglia e nata vota po accumpare.

Duie nammurati se scagnene l’urtime carezza,

E nun se lascià mai hanno giurato,

e n’coppa na faccela rosa e vellutata

due lacreme chiu e ciente parole hannu parlato.

E’ l’urdema sera e manca l’allerezza

E quanno si sono ritrovati.

Austo se ne va e pare ca stu mare,

Pure isso, a modo suoio ci vò salutà.